Monday, May 28, 2012

මැදියම් රැයේ ආ අමුත්තා (කුසුමාවතී - 2 )




පලමු කොටසට.......

එක අතකට කැත්ත අරගත්තු කුසුමාවතී ගැහෙන හදවතින් යුතුව දොර ඇරියා. ඇගෙ හිත තරමක් චංචල වෙලා තිබුනෙ.
දොර බාගෙට ඇරපු කුසුමා යාන්තම් ඔලුව එලියට දාලා වටපිට බැලුවෙ රෑ ජාමෙ දොරට තට්ටු කරන්නෙ මොකාද කියලා බලාගන්න ඕනෙ හින්දමයි.ඇය දැකපු දෙයින් තරමක තිගැස්මකට පත්වුනා.
"මේ රෑ ගෑණියෙක් මොකද අපේ මිදුලෙ කරන්නෙ. එතකොට මුන්දැද දොරට තට්ටු කරේ" කුසුමට එහෙම හිතුනා.
"කවුද........" මේ පාර කුසුමා ටිකක් සද්දෙට ඇහුවෙ හිතේ කොනක තිබුනු බය ඉස්මතුවෙලා ආපු නිසාමයි.
මිදුලෙ කෙලවරක තිබුන අඹ ගහ යට  මොනවදෝ හාර හාර හිටපු ගෑණි කුසුමා දිහා හැරිලා බැලුවා. ඒ හරියට කරුවල වැටිල තිබුන හින්දා ඒ ගෑණිගෙ මූණ කුසුමට පැහැදිලිව පෙනුනෙ නෑ.
මූණ පැහැදිලිව නොපෙනුනත් අඹ ගහ යට හිටපු උන්දැගෙ ඡායාව ටිකක් මැගිලින්ගෙ වගේ කියල කුසුමට හිතුනා.
මැගිලින්ගෙ ගෙවල් තිබුනෙ කුසුමාවතීගෙ ගෙවල්වලට ටිකක් දුරින්. උන්දැගෙ වයස අවුරුදු පනහක් විතර ඇති.
 තැනින් තැන පැහිච්ච කොණ්ඩයක් තිබුණ මැගිලින්ගෙ ඉස්සරහට ආපු දත් ඇන්ද ඈට තරමක විරූපි පෙනුමක් ගෙනාවා. මැගිලින් කුසුමත් එක්ක දෙතුන් වතාවකට වඩා කතා කරලා තිබුනෙ නෑ.
ගමේ මිනිස්සු නම් කියන්නෙ මැගිලින් අමුතු ගෑණියෙක්ලු. නිතරම බුලත් විටක් කටේ දාගෙන හිටපු මැගිලින් කතාකරන වචන පවා තරමක් අපැහැදිලියි කියලා කුසුමට හිතුනා.
මනෝ ලෝකයේ හිටපු කුසුමා එක පාරටම ගැස්සිලා වටපිට බැලුවා. ඒත් ඒ වෙනකොට අඹ ගහ යට හිටපු ගෑණි එතනින් අතුරුදහන් වෙලා.
කුසුමගෙ හිතට තරමක බයක් දැනුනා. ඒත් හිතට දහිරිය ගත්තු කුසුමා ආපහු ගේ ඇතුලට ඇවිත් දඩාස් ගාලා දොර වහගත්තා.
ඒ සද්දෙට කුසුමගෙ අම්මටත් ඇහැරුනා.
"මොකද කෙල්ලෙ මේ මහ රෑ සීරි යකා දැකලා වගේ...." අම්මා එහෙම අහද්දි කුසුමා ඇගේ මූණට නැගිලා තිබුනු දාඩිය පිහිදාගත්තා.
"මුකුත් නෑ අම්මෙ....." කුසුමා එහෙම කිව්වට ඇගේ හිත පොඩ්ඩක් චංචල වෙලයි තිබුනෙ.
" එහෙම නම් කමක් නෑ. කොයිකටත් තුනුරුවන් සිහි කරල නිදාගනිං....." අම්මා එහෙම කිව්වා.
......................................................
පහුවදා එලිවෙන ජාමෙ කුසුමා ඇහැරුනේ කුකුල්ලු අඬලන සද්දෙට. අම්මා තාම නිදි.
මූණ කට හෝදගත්තු කුසුමා කේතලේ ලිපේ තියනකොට අම්මත් ඇහැරලා කුස්සිය ගාවට ආවා.
"කෙල්ලෙ ඊයෙ රෑ මොකද උනේ. මට ඇත්ත කියපං...." අම්මා එහෙම අහද්දි කුසුමා අම්මට ඇත්තම කිව්වා.
" කොයිකටත් අපි යමංකො බලන්ඩ. ඔය ලාම්පු කුප්පිය ගනිංකො...." අම්මා ඉස්සර උනා.
අම්මගෙ පිටිපස්සෙන් කුසුමා අඹ ගහ ලඟට ඇදුනෙ දෙගිඩියාවෙන්. ඊයෙ රෑ දැකපු මූණ ඈට මැවිලා පෙනුනා.
ඊයෙ දැකපු මූණ පැහැදිලි නැති උනත් ඒ මැගිලින්මයි කියලා කුසුමට හිතුනා.
"අපොයි දෙයියනේ........" අම්මගෙ විලාපෙට කුසුමා පියවි සිහියට ආවා.
"ඇයි අම්මා....." කුසුමා එහෙම අහද්දි අම්මා ඈ දිහා ඔරවලා බැලුවා.
"මේ බලාපං......." අම්මා අඹගහ යට තිබුණු යමක් කුසුමට පෙන්නුවා.
ඒ දිහා බලපු ඇගේ ඇසුත් ලොකු උනා.

 ...............මතු සම්බන්ධයි.........

34 comments:

  1. මචන් මේ හොල්මන් කතාවක්ද බන්?

    ReplyDelete
  2. කුතුහලයක් ඉතුරු කරලම කතාව නවත්තලනේ..

    ReplyDelete
    Replies
    1. නැත්නම් හොඳ නෑනෙ.........

      Delete
  3. මේ ලියන විදියට පට්ටම කැමතියි.. වචනයක් වචනයක් ගානේ කුතුහලය... බාලගෙන ඉන්නවා ඉතිරි කොටස එනකං...

    මේක නව කථාවක්ද කෙටි කතාවක්ද කියලවත් කිව්වනං

    ReplyDelete
    Replies
    1. ගොඩක් ස්තූතියි මචං.......

      මේක නවකතාවක්.

      Delete
  4. අඹ ගහ යට මොකද්ද තිබ්බේ ? අඩේ මේක හොල්මන් කතාවක්වත් ද ?

    ReplyDelete
    Replies
    1. ඒක ඊලඟ කොටසෙන් දාන්නම්...

      Delete
  5. නියමෙට යනවා කතාව එල එල
    ඊලග කොටසත් ඉක්මනින් දාන්නෝ.....

    ReplyDelete
    Replies
    1. ගොඩක් ස්තූතියි මචං......

      Delete
  6. ඒ මොකද වෙලා තියෙන්නේ කවදාද ඉතුරු ටික දාන්නේ.

    ReplyDelete
    Replies
    1. ඉක්මනට ඉතුරු ටික දාන්නං.......

      Delete
  7. grt dan ithin next eka balanna epai.

    ReplyDelete
  8. කිරි පුතා යමරෙට ලියනව. කියවන්න ආස හිතෙනව. හැම ගමකම පාහෙ ඔහොම තහනම් ආදර කතා තියෙනවනෙ. මේකත් එහෙම එකක් වාගෙ. තුන්වන කොටසත් ලියමුකො ඉක්මණටම.. ජය වේවා.!

    ReplyDelete
    Replies
    1. මේක තහනම් ආදර කතාවක් නම් නෙවෙයි ඕං.....

      Delete
  9. අම්මා දැක්කෙ මොනවද කියලා නිසැකවම දන්නවා වුනත් ඒක ලියන්නෙ නෑ. කුතුහලය යනු "අදහසක්" කොව "අදහස්" නිසා.

    ReplyDelete
    Replies
    1. සුමිත් අයියගෙ උපදෙස් හින්ද තමා.......

      Delete
  10. මුං දැන් ඔක්කොම හොල්මන් කරනවා වගේ..

    ReplyDelete
    Replies
    1. උඹ ඉන්නකොට ආයෙ අමුතුවෙන් හොල්මන් ඕනෙ නෑනෙ..

      Delete
  11. මොන මගුලක්ද බන් කරන්නෙ... ඔහොම කරන්න එපා කිරි පුතේ... අපි පව් නැද්ද?...

    ReplyDelete
  12. බ්ලොග් අවකාශයම හොල්මන් අරක්ගෙන වගේ.. බලමු බලමු ඉතුරු කොටස..

    ReplyDelete
  13. මතු සම්බන්ද වුනාට කමක් නෑ. ආතල් කැඩෙන විදියට ලියනව එහෙම නෙවෙයි. ඕං.

    ReplyDelete
  14. අඩෙ පස්ට බං....හොල්මන් හොල්මන්... :-)

    සුභ වේවා!! රාජ සම්පත් ලැබෙවා!!!

    ReplyDelete
  15. ayyooooooooooooooooooooo hodama hariyen nawattalane kiri puta ayya.hoda ayya wage itiri tikat ikmanata danna hode.

    ReplyDelete
  16. තරහ යනවනෙ අප්පා ඔහොම මග නැවැත්තු වාම.....ඒ ටිකත් ලියන්න මොකෝ ඉඩ මදි උනාද?...:(

    ReplyDelete
  17. අපිව බය කරනව නේද ?

    ReplyDelete
  18. ඊළග එකත් හැකි ඉක්මනට දන්ඩෝ
    කතාව එල හොඳේ :)

    ReplyDelete
  19. කොටස් දෙකම කියෙව්වා, ඊ ලග කොටස වෙනකම් ඉවසුමක් නෑ...

    ReplyDelete
  20. නියම වැඩක්..දිගටම යමු....

    ReplyDelete
  21. MAru kathawa machan. Eelanga kotasa enakan api goda kalayak indan balan innawa :)

    ReplyDelete

ඔයාලගෙ අදහස් මට ගොඩක් වටිනවා.කොමෙන්ට් එකක් නොදැම්ම කියල තුන්හිතකින්වත් අහිතක් හිතන්නෙ නෑ.