Thursday, January 6, 2011

වන් බම්ප් ගහපු හැටි...........


මේක මම සිස්සස්සෙ පාස් වෙලා ලොකු ඉස්කෝලෙ යනකාලෙ වෙච්ච වැඩක්. මට මතක හැටියට ඒ කාලෙ මම හිටියෙ දහයෙ පන්තියෙ. අපිට එදා නැටුම් තිබුණු පීරියඩ් එකක තමයි මේ සිද්දිය වුනේ.ඒ කාලෙ අපි නැටුම් තමයි ආසාවෙන්ම කරපු විෂය.ඒ මොකද දන්නවද? නැටුම් කියන්නෙ අයිස් ලෝකයක්. අපි නැටුම් පන්තියට යන්නෙ හරියට අවාරෙට අඹ වැටෙනවා වගේ.අනිත් හැම දවසකම අපි හිටියෙ පිට්ටනියෙ.ඒක නිසා අපේ පන්තියෙ  කොල්ලො ගොඩක් නැටුම් තෝරගෙන තිබුණා.
ඔන්න ඉතින් පුරුදු විදිහට අපි එදත් නැටුම් පීරියඩ් එක කට් කලා.ඊට පස්සෙ පිට්ටනියෙ පැත්තක වන් බම්ප් ගහන්න සෙට් උනා.(වන් බම්ප් ගහන එක ඉතින් හැම කොල්ලම දන්නවනෙ.) මොකද එදා අපේ සෙට් එකේ හිටියෙ කොල්ලො හතර දෙනයි.
අපි ඉතින් සමගියෙන් සමාදානයෙන් වන් බම්ප් ගහ ගහා හිටියා. මම හිටපු සෙට් එක ගැන ඔයාලට කිව්වෙ නෑනෙ. එදා අපේ සෙට් එක උනේ මම නොහොත් කිරිපුතා, කසුන් නොහොත් ටික්කා, දිනේශ් නොහොත් බන්ඩියා සහ තවත් දිනේශ් කෙනෙක් වන පනික්කුවා.
ටික වෙලාවකින් පනික්කුවා ගහපු ශොට් එකකට බෝලෙ ඈතට විසිවුනා.ඒ අසල කලාපයේ පන්දු රකිමින් සිටි පන්දු රකින්නා වන ටික්කා වේගයෙන් පන්දුව කරා හඹා යන්න පටන්ගත්තා.........
බෝලෙ අහුලා ගත්තා විතරයි.ටික්කා බෝලෙ පස්සෙන් පන්නපු වේගෙටත් වඩා වැඩි වේගෙකින් අපි හිටපු තැනට දුවගෙන ආවා.
"පෙත්තා........ පෙත්තා..........."
ටික්කගෙ මුවින් පිටවුනේ ඒ වචන කිහිපය පමණයි.
අපි ඔලුව හැරුණු අතේ දුවන්න ගත්තා.
(දැන් මට කතාවට පොඩි බාධා කිරීමක් කරන්න සිද්ධ වෙනවා. පෙත්තා කියන්නෙ කවුද කියලා හඳුන්වා දෙන්නත් ඕනනෙ. පෙත්තා කියන්නෙ අපේ ඉස්කෝලෙ  නියෝජ්‍ය විදුහල්පතිතුමා.ඒ සර්ගෙ නහය ගිරා හොටයක් වගේ. ඒක නිසයි පෙත්තා කිව්වෙ.)
මායි ටික්කයි පොඩ්ඩක් ඉස්සරහට දුවගෙන ගියා විතරයි. මෙන්න අපේ ප්‍රින්සිපල් බකමූණෙක් වගේ ඔරවාගෙන කණ්ඩියක් උඩ හිටගෙන ඉන්නවා.
මොනවා කරන්නද? අපි දෙන්නා දුවපු වේගෙටත් වඩා වැඩි වේගෙකින් ආපහු  හැරුණා. හැරිලා ලඟ තිබ්බ ඉලුක් ගාලක් අස්සෙන් රිංගලා දුවලා පන්තියට ඇවිත් වාඩිවුනා. අපේ වෙලාවට පන්තියෙ ලමයි ටික දෙනෙක් හිටියා. අපි වාඩි වෙලා හති ඇර ඇර ඉන්නකොට ටික වෙලාවකින් පනික්කුවයි, බණ්ඩියයි ආවා.උන් දෙන්නා වාඩිවෙලා වැඩි වෙලාවක් ගියේ නෑ.
මෙන්න ප්‍රින්සිපලුත් පන්තියට ආවා......
"කිරිපුතා......
කසුන්......."
අපි දෙන්නා දැන් වතුරෙන් ගොඩ දාපු මාලුවො දෙන්නෙක් වගේ. වෙවුල වෙවුල නැගිට්ටා.
"ඔය ලමයි ඇයි මේ වගේ වැඩ කරන්නේ. බලන්න ඔය වගේ වැඩ කරපුවාම ඔය ලමයින්ගෙ පෞර්ශයට හානිවෙනවා. තේරුණාද?"
ප්‍රින්සිපල් එහෙම කිව්වා.
අපිට නම් පීරියඩ් කට් කලාම පෞර්ශයට හානි වෙන්නෙ කොහොමද කියලා තේරුණේ නෑ.ඒ උනාට,
"තේරුණා සර්.........."
කියලා අපි ශේප් වුනා.
ඊට පස්සෙ ප්‍රින්සිපල් පන්තියෙන් යන්න ගියා. ඒ උනාට අපට එක ප්‍රශ්නයක් ඉතුරු උනා.
ප්‍රින්සිපල් කොහොමද අපේ නම් දැන ගත්තේ........?
ඒ කතාව ඊලඟ පෝස්ට් එකෙන් දාන්නම්කො.

2 comments:

  1. අනේ අනේ කිරි පුතාටත් වෙන වැඩ

    ReplyDelete
  2. ඒකනෙ අනේ. මට සිද්ධ වෙන වැඩ නම් නිමක් නෑ.

    ReplyDelete

ඔයාලගෙ අදහස් මට ගොඩක් වටිනවා.කොමෙන්ට් එකක් නොදැම්ම කියල තුන්හිතකින්වත් අහිතක් හිතන්නෙ නෑ.